O‘zbekiston terma jamoasi sardor Jaloliddin Masharipov Osiyo kubogi nimchorak final bosqichi doirasida bo‘lib o‘tgan Tailandga qarshi o‘yindan so‘ng tojikistonlik jurnalistga intervyu berdi.

— Assalomu alaykum, Tojikiston. Sizlarni ham chorak final yo‘llanmasi bilan tabriklayman. Nimchorak finalda Tojikistonga muxlislik qildik. Ikki qo‘shni mamlakat chorak final bosqichiga chiqqanidan xursandmiz. Tailandga qarshi bahs qiyin bo‘lishini bilardik. Chunki yutqazgan jamoa chiqib ketadi va har bir o‘yinchi borini berib harakat qiladi. Ikkinchi golni urib olganimizdan keyin himoyadan o‘ynashimizga to‘g‘ri keldi.

— Mazkur Osiyo kubogida kuchsiz jamoalar yo‘q.
— Albatta, hozir barcha jamoa futbol o‘ynashni biladi. Hozir oson yengish mumkin bo‘lgan jamoa qolmagan. Masalan, guruhda Hindiston terma jamoasini barcha qiyinchilik bilan mag‘lub etdi.

— Tojikistonning BAAga qarshi o‘yinini tomosha qildingizmi?
— Ha, televizor orqali o‘yinni ko‘rib, Tojikistonga muxlislik qildik.

— O‘zbekiston va Tojikiston terma jamoalari vaziyatlardan unumli foydalana olmayapti...
— Ha, bizda shunday vaziyatlar bo‘lyapti. Vaziyatni oxirigacha yetkaza olmayapmiz. Buning ustida ishlayapmiz. Keyingi o‘yinda bu borada yaxshiroq harakat qilamiz, deb o‘ylayman.

— Tojikiston chorak finalda Iordaniyani mag‘lub etishi mumkinmi?
— Albatta. Tojikiston barcha o‘yinda katta ishtiyoq bilan harakat qilyapti va shuning evaziga g‘alaba qozonyapti. Bu ishtiyoqni yanada ko‘paytirish kerak. Tojikiston murabbiyi ham hissiyotga bosh inson ekan. Iordaniyaga qarshi o‘yinda omad tilayman.

— O‘zbekistonning Qatarga qarshi bo‘lajak o‘yini borasida nima deya olasiz?
— Biz bu yerga Qatarga qarshi o‘ynash uchun kelganmiz. Nihoyat bu jamoagacha yetib keldik. Biroz dam olamiz va bu o‘yinga barcha futbolchilar tayyor bo‘ladi. Nasib qilsa, hammasi yaxshi bo‘ladi.

— Bugungi o‘yinda o‘zbekistonlik muxlislar esa tojikistonliklar ham borligi sezdingizmi?
— Ha, ko‘rdik. Biz bir xalqmiz.