Italiyada Antonio Kontening "Milan" bosh murabbiyi etib tayinlanishi mumkinligi muhokama qilinmoqda.
Yaqinda OAVda murabbiy va “rossonerilar” rahbariyati o‘rtasidagi kelishuv haqida ma’lumot paydo bo‘ldi.
Football Italia xabariga ko‘ra, murabbiy endilikda "Milan" shtab-kvartirasi yaqinida paydo bo‘lishi bilan mish-mishlar yanada kuchaydi: mutaxassis mahalliy restoranda o‘zi avval birga ishlagan xodimlari bilan tushlik qildi.
Eslatib o‘tamiz, Antonio Konte o‘tgan yilning mart oyida Londonning “Tottenxem” klubini tark etgandi.
O‘shandan beri italiyalikning murabbiylik ishi yo‘q. Avvalroq murabbiy “Inter”, “Chelsi”, Italiya terma jamoasi va “Yuventus” klublarini boshqargan.
