"Milan"ning fransiyalik darvozaboni Mayk Menyan klub bilan yaxshilangan shartlar asosida yangi shartnoma imzolashga yaqin turibdi. Bu haqda Gazette Dello Sport xabar bermoqda.
Manbaga ko‘ra, tomonlar muddati 2026 yilda tugaydigan kelishuvni uzaytirishga yaqin turibdi. 28 yoshli fransiyalik futbolchi maoshini ikki barobarga oshirmoqchi, bu esa uni yiliga 7 million yevro maosh oladigan Rafael Leau bilan birga klubning eng ko‘p maosh oluvchi futbolchisiga aylantiradi.
Menyan 2021 yilda 15,4 million yevro evaziga “Lill”dan “Milan”ga o‘tgan va 2022 yilda jamoaning A Seriya chempionligida muhim rol o‘ynagan.