"Милан"нинг франциялик дарвозабони Майк Меньян клуб билан яхшиланган шартлар асосида янги шартнома имзолашга яқин турибди. Бу ҳақда Gazette Dello Sport хабар бермоқда.
Манбага кўра, томонлар муддати 2026 йилда тугайдиган келишувни узайтиришга яқин турибди. 28 ёшли франциялик футболчи маошини икки баробарга оширмоқчи, бу эса уни йилига 7 миллион евро маош оладиган Рафаэль Леау билан бирга клубнинг энг кўп маош олувчи футболчисига айлантиради.
Меньян 2021 йилда 15,4 миллион евро эвазига “Лилль”дан “Милан”га ўтган ва 2022 йилда жамоанинг А Серия чемпионлигида муҳим роль ўйнаган.