Og‘ir vazn toifasida WBA, WBO va IBF yo‘nalishlari bo‘yicha jahon chempioni Aleksandr Usik va WBC kamari sohibi Tayson Fyuri jangning navbatdagi qoldirilishi uchun jarimaga tortilishi mumkin.
Saudiya Arabistoni Bosh ko‘ngilochar boshqarmasi boshlig‘i shahzoda Turki Al ash-SHayx keyingi safar ular 10 million dollar to‘lashga majbur bo‘lishlarini aniq aytdi, deb xabar bermoqda MMA Fighting.
Belgilangan jang 18 may kuni Saudiya Arabistonida bo‘lib o‘tadi.
Fyuri 2 fevral kuni sparring paytida jarohat olganini e’lon qildi. 35 yoshli bokschining o‘ng ko‘zi tepasida jarohat bor.
2022 yilning 21 avgust kuni Usik Jidda shahrida Entoni Joshua bilan jangda o‘z kamarini himoya qilgandi. 37 yoshli ukrainalik hisobida 20 ta g‘alaba va mag‘lubiyat yo‘q.
Fyuri ham professional ringda mag‘lub bo‘lmagan. Uning hisobida 33 g‘alaba va bitta durang bor.
