Оғир вазн тоифасида WBA, WBO ва IBF йўналишлари бўйича жаҳон чемпиони Александр Усик ва WBC камари соҳиби Тайсон Фьюри жангнинг навбатдаги қолдирилиши учун жаримага тортилиши мумкин.
Саудия Арабистони Бош кўнгилочар бошқармаси бошлиғи шаҳзода Турки Ал аш-Шайх кейинги сафар улар 10 миллион доллар тўлашга мажбур бўлишларини аниқ айтди, деб хабар бермоқда MMA Fighting.
Белгиланган жанг 18 май куни Саудия Арабистонида бўлиб ўтади.
Фьюри 2 февраль куни спарринг пайтида жароҳат олганини эълон қилди. 35 ёшли боксчининг ўнг кўзи тепасида жароҳат бор.
2022 йилнинг 21 август куни Усик Жидда шаҳрида Энтони Жошуа билан жангда ўз камарини ҳимоя қилганди. 37 ёшли украиналик ҳисобида 20 та ғалаба ва мағлубият йўқ.
Фьюри ҳам профессионал рингда мағлуб бўлмаган. Унинг ҳисобида 33 ғалаба ва битта дуранг бор.
