"Arsenal"ning braziliyalik yarim himoyachisi Jorjinyo Angliya premyer-ligasining 23-turidan o‘rin olgan "Liverpul"ga qarshi o‘yin (3:1) yakunlari bo‘yicha o‘z fikrlarini bildirib o‘tdi.

“Bu o‘zgacha oqshom edi. Muxlislarimizning qo‘llab-quvvatlashini his qildik va ajoyib o‘yin o‘tkazdik. Biz raqibni har tomonlama ortda qoldirishimiz kerakligini bilardik, chunki “Liverpul” ajoyib jamoa. O‘ylaymanki, biz bu g‘alabaga munosib edik", - dedi Jorjinyo.

Eslatib o‘tamiz, 4 fevral arafasida “Arsenal” o‘z maydonida APL turnir jadvalida peshqadamlik qilayotgan “Liverpul” ustidan g‘alaba qozongan edi.