"Арсенал"нинг бразилиялик ярим ҳимоячиси Жоржиньо Англия премьер-лигасининг 23-туридан ўрин олган "Ливерпул"га қарши ўйин (3:1) якунлари бўйича ўз фикрларини билдириб ўтди.
“Бу ўзгача оқшом эди. Мухлисларимизнинг қўллаб-қувватлашини ҳис қилдик ва ажойиб ўйин ўтказдик. Биз рақибни ҳар томонлама ортда қолдиришимиз кераклигини билардик, чунки “Ливерпуль” ажойиб жамоа. Ўйлайманки, биз бу ғалабага муносиб эдик", - деди Жоржиньо.
Эслатиб ўтамиз, 4 февраль арафасида “Арсенал” ўз майдонида АПЛ турнир жадвалида пешқадамлик қилаётган “Ливерпуль” устидан ғалаба қозонган эди.
