"Betis" yarim himoyachisi Isko hali ham ko‘p narsaga qodir ekanligini isbotlashda davom etmoqda.

31 yoshli futbolchi kechagi o‘yinda "Xetafe"ga qarshi penaltini golga aylantirdi. Bu ispaniyalikning mavsum boshidan beri La Ligadagi oltinchi goli bo‘ldi.

Shunday qilib, Opta ta’kidlaganidek, Isko joriy Ispaniya chempionatida atigi 22 o‘yinda oldingi besh mavsumdagidan ko‘proq gol urgan (101 o‘yinda beshta gol).

Isko o‘tgan yilning iyul oyida "Betis"ga o‘tgan edi. 2013 yildan 2022 yilgacha hujumkor yarim himoyachi "Real Madrid" sharafini himoya qilgan.