Xalqaro Tennis yaxlitligini ta’minlash agentligi (ITIA) o‘zining rasmiy saytida fransiyalik tennischi Maksens Brovill yetti yilga diskvalifikasiya qilinganini ma’lum qildi.
Sportchiga 2017 va 2018 yillarda kelishilgan o‘yinlar bilan bog‘liq ayblovlar qo‘yilgan. Brovill barcha ayblovlarni rad etdi va tergovda ishtirok etishdan bosh tortdi.
Tennischi tekshirish uchun shaxsiy qurilmalarni taqdim etmagan. Brovill diskvalifikasiyadan tashqari, 5 ming dollar miqdorida jarimaga tortildi.
Fransiyalik sportchini diskvalifikasiya qilish muddati 2023-yilning 20-iyunidan boshlanadi va 2030-yilning 19-iyunida tugaydi.
To‘xtatilgan paytda Brovillning tennis tadbirlarida o‘ynash, murabbiylik qilish yoki qatnashishi taqiqlanadi.
