Uilyam Gallasning fikricha, "Chelsi"ning hozirgi tarkibi Joze Mourinyoga mos emas.
"Vulverxempton"ga (2:4) qarshi o‘yinda muxlislar portugaliyalik mutaxassisning ismini aytib hayqirganidan keyin "ko‘klar"ning sobiq himoyachisi o‘z fikrlarini bildirib o‘tdi.
"Jozega to‘g‘ri futbolchilar kerak, bu oddiy. U jang qilishni xohlaydigan, qurbonlik qilishni xohlaydigan, azoblanishdan qo‘rqmaydigan jangchilarni xohlaydi. Agar "Chelsi" uni shunday futbolchilar bilan ta’minlay olsa, u ajoyib variant bo‘lardi.
Men bu futbolchilarni unchalik yaxshi bilmayman, lekin menimcha, ularning ba’zilari Mourinyo bilan ishlash uchun yetarlicha kuchga ega emas. Siz nafaqat bir nechta o‘yinlarda, balki butun mavsum davomida kuchli bo‘lishingiz kerak. Mourinyo qo‘l ostida mashg‘ulotlarda o‘z o‘rning uchun kurashishing kerak. Menimcha, "Chelsi"ning ba’zi o‘yinchilari juda yumshoq" - dedi Gallas Genting Casino bilan suhbatda.
