"Chelsi"ning sobiq futbolchisi va Fransiya terma jamoasi bilan jahon chempioni Emmanuel Peti portugaliyalik mutaxassis Joze Mourinyoning "Stemford Brij"ga qaytishi mumkinligi haqida fikr bildirdi.
"Men Mourinyo Jon Terri bilan birga yordamchi sifatida kelishi mumkinligi haqidagi mish-mishlarni ko‘rganman. Agar siz bu haqda o‘ylab ko‘rsangiz, bu qiziqarli narsa bo‘lishi mumkin. U jamoaga xarakter va shaxsiyat beradi.
Ayni damda ularda buzilgan jamoa bor va Mourinyo kelib hammasini tuzatishi mumkin. Aslida, menimcha, ular o‘sha yerda bo‘lgan futbolchilar bilan nima qilish kerakligini to‘g‘ri tasavvur qiladigan murabbiy kerak.
Ular o‘yinchilarni sotib olishni to‘xtatishlari va o‘zlarida mavjud bo‘lgan narsalarni qanday rivojlantirishlari haqida o‘ylashlari kerak. "Chelsi" o‘z shaxsiyatini rivojlantirishi kerak, chunki hozirda ularda shunday emas", - deya Petining so‘zlarini keltiradi Metro.
Eslatib o‘tamiz, “Chelsi” Angliya premyer-ligasining 23-turidan so‘ng 31 ochko bilan 11-o‘rinda bormoqda.
