"Aston Villa" bosh murabbiyi Unai Emeri Angliya kubogi 1/16 final bosqichi doirasidagi bo‘lajak o‘yin oldidan "Chelsi" ustozi Maurisio Pochettinoning faoliyati haqida o‘z fikrlari bilan o‘rtoqlashdi.
“O‘ylashimcha, “Chelsi” Pochettino qo‘l ostida yaxshiroq bo‘lib bormoqda. Bu mavsum ular uchun oson emas, lekin men Maurisio va uning rivojlanishiga ishonaman. U juda tajribali va barcha murabbiylar vaqti-vaqti bilan qiyin vaziyatlarga tushib qolishadi, jiddiy bosimni boshdan kechirishadi", - deya Emeri so‘zlarini keltirmoqda AFP.
Eslatib o‘tamiz, chorshanba kuni Birmingem jamoasi turnirning 4-bosqichi takroriy o‘yini doirasida o‘z uyida "Chelsi"ni qabul qiladi.
