"Астон Вилла" бош мураббийи Унаи Эмери Англия кубоги 1/16 финал босқичи доирасидаги бўлажак ўйин олдидан "Челси" устози Маурисио Почеттинонинг фаолияти ҳақида ўз фикрлари билан ўртоқлашди.
“Ўйлашимча, “Челси” Почеттино қўл остида яхшироқ бўлиб бормоқда. Бу мавсум улар учун осон эмас, лекин мен Маурисио ва унинг ривожланишига ишонаман. У жуда тажрибали ва барча мураббийлар вақти-вақти билан қийин вазиятларга тушиб қолишади, жиддий босимни бошдан кечиришади", - дея Эмери сўзларини келтирмоқда AFP.
Эслатиб ўтамиз, чоршанба куни Бирмингем жамоаси турнирнинг 4-босқичи такрорий ўйини доирасида ўз уйида "Челси"ни қабул қилади.