"Napoli" prezidenti Aurelio De Laurentis jamoaning sobiq ustozi Luchano Spaletti haqida gapirdi. Xabaringiz bor, o‘tgan mavsumda chempionlikni qo‘lga kiritgach, Spaletti ta’tilga chiqishga qaror qildi va tez orada Italiya terma jamoasiga qo‘shildi.

"33 yil ichida birinchi marta Skudettoni qo‘lga kiritish muhim edi, lekin agar biz Chempionlar ligasida ham g‘olib chiqqanimizda, bu bizga 2025 yilgi klublar o‘rtasidagi jahon chempionatiga yo‘llanma olish va yaxshi pul ishlash imkonini bergan bo‘lardi. 21 aprel kuni Spallettining Chempionlar ligasidan chetlatilganidan so‘ng ruhiy holatini ko‘tarish maqsadida men unga rasman uning shartnomasini keyingi mavsumga uzaytirish variantini yubordim.

12 may kuni u ta’tilga chiqmoqchi ekanligini e’lon qilishiga ishonmadim. Uning iltimosini minnatdorchilik bilan qabul qilish mening xatom bo‘ldi. Spalettining ketishiga nima sabablar borligini tushunolmayapman. Men uchun yagona tushuntirish – g‘olib sifatida ketish istagi. Yoki u allaqachon Italiya terma jamoasi bilan shartnoma kutayotgan bo‘lgan", - deya de Laurentisning so‘zlarini keltirgan jurnalist Janluka di Marsio.