"Наполи" президенти Аурелио Де Лаурентис жамоанинг собиқ устози Лучано Спалетти ҳақида гапирди. Хабарингиз бор, ўтган мавсумда чемпионликни қўлга киритгач, Спалетти таътилга чиқишга қарор қилди ва тез орада Италия терма жамоасига қўшилди.
"33 йил ичида биринчи марта Скудеттони қўлга киритиш муҳим эди, лекин агар биз Чемпионлар лигасида ҳам ғолиб чиққанимизда, бу бизга 2025 йилги клублар ўртасидаги жаҳон чемпионатига йўлланма олиш ва яхши пул ишлаш имконини берган бўларди. 21 апрел куни Спаллеттининг Чемпионлар лигасидан четлатилганидан сўнг руҳий ҳолатини кўтариш мақсадида мен унга расман унинг шартномасини кейинги мавсумга узайтириш вариантини юбордим.
12 май куни у таътилга чиқмоқчи эканлигини эълон қилишига ишонмадим. Унинг илтимосини миннатдорчилик билан қабул қилиш менинг хатом бўлди. Спалеттининг кетишига нима сабаблар борлигини тушунолмаяпман. Мен учун ягона тушунтириш – ғолиб сифатида кетиш истаги. Ёки у аллақачон Италия терма жамоаси билан шартнома кутаётган бўлган", - дея де Лаурентиснинг сўзларини келтирган журналист Жанлука ди Марцио.
