"Sevilya" futbolchisi Lukas Okampos "Rayo Valyekano" bilan o‘yinda unchalik yoqimli bo‘lmagan vaziyatga tushib qolgani haqida xabar bergan edik.
O‘yindan so‘ng Lukas bo‘lib o‘tgan voqealarga izoh berib, o‘yinchilarni kamsitishga urinayotgan nomaqbul muxlislarga nisbatan chora ko‘rishni talab qildi.
"O‘ylaymanki, televizion surat sodir bo‘lgan voqeani juda aniq aks ettirgan. Umid qilamanki, chempionat rahbariyati buni irqchilik kabi jiddiy qabul qiladi.
"Rayo"ning barcha muxlislarini ayblamoqchi emasman, balki ularning hammasi ham shunday emasdir, lekin har doim shunday voqealar bo‘laveradi.
Men xavotirdaman, chunki mening ikkita qizim bor va ular bilan bunday narsa sodir bo‘lishini xohlamayman", - deya Okamposning so‘zlarini keltiradi pianetamilan.it.
