"Севилья" футболчиси Лукас Окампос "Райо Вальекано" билан ўйинда унчалик ёқимли бўлмаган вазиятга тушиб қолгани ҳақида хабар берган эдик.
Ўйиндан сўнг Лукас бўлиб ўтган воқеаларга изоҳ бериб, ўйинчиларни камситишга уринаётган номақбул мухлисларга нисбатан чора кўришни талаб қилди.
"Ўйлайманки, телевизион сурат содир бўлган воқеани жуда аниқ акс эттирган. Умид қиламанки, чемпионат раҳбарияти буни ирқчилик каби жиддий қабул қилади.
"Райо"нинг барча мухлисларини айбламоқчи эмасман, балки уларнинг ҳаммаси ҳам шундай эмасдир, лекин ҳар доим шундай воқеалар бўлаверади.
Мен хавотирдаман, чунки менинг иккита қизим бор ва улар билан бундай нарса содир бўлишини хоҳламайман", - дея Окампоснинг сўзларини келтиради pianetamilan.it.
