"Milan" darvozaboni Mayk Menyan "PSJ"ning radarida. Sports Zone xabariga ko‘ra, 28 yoshli futbolchi Liga 1 gigantining kelasi yoz uchun asosiy transfer maqsadlaridan biri hisoblanadi.
Qayd etilishicha, "PSJ" bosh murabbiyi Luis Enrike Menyanni va uning oyoqlari bilan yaxshi o‘ynash qobiliyatini juda qadrlaydi.
Hozirda "PSJ"ning asosiy darvozaboni italiyalik Janluiji Donnarumma hisoblanadi.
Transfermarkt portali ekspertlari Mayk Menyanni 45 million yevroga baholamoqda. Joriy mavsumda fransiyalik futbolchi 27 ta o‘yinda o‘z darvozasidan 35 ta gol o‘tkazib yuborgan.