"Милан" дарвозабони Майк Меньян "ПСЖ"нинг радарида. Sports Zone хабарига кўра, 28 ёшли футболчи Лига 1 гигантининг келаси ёз учун асосий трансфер мақсадларидан бири ҳисобланади.
Қайд этилишича, "ПСЖ" бош мураббийи Луис Энрике Меньянни ва унинг оёқлари билан яхши ўйнаш қобилиятини жуда қадрлайди.
Ҳозирда "ПСЖ"нинг асосий дарвозабони италиялик Жанлуижи Доннарумма ҳисобланади.
Transfermarkt портали экспертлари Майк Меньянни 45 миллион еврога баҳоламоқда. Жорий мавсумда франциялик футболчи 27 та ўйинда ўз дарвозасидан 35 та гол ўтказиб юборган.