"Chelsi"ning o‘ng qanot himoyachisi Malo Gyusto Angliya kubogi 1/16 finalida "Aston Villa" ustidan qozonilgan g‘alabadan so‘ng (3:1) o‘z his-tuyg‘ulari bilan o‘rtoqlashdi.
“Biz “Chelsi”miz, futbolchilar muxlislarga biz o‘lmaganligimizni ko‘rsatishi kerak. Har hafta jamoa yaxshilanish uchun astoydil harakat qiladi. Biz har bir o‘yinda g‘alaba qozonishimiz, bor e’tiborimizni Premyer-ligaga, Angliya kubogiga qaratishimiz va Liga kubogi finalida ham g‘alaba qozonishimiz kerak. Biz shunday qilishimiz kerak", - deya Gyusto so‘zlaridan iqtibos keltiradi jurnalist Ben Jeykobs.
Eslatib o‘tamiz, Gyusto Fransiyaning “Lion” klubidan “Chelsi”ga o‘tishini 2023 yilning yanvarida yakunlagan, biroq londonliklar safiga joriy mavsum boshlanishidan avval kelib qo‘shilgan edi.
