Fransiya terma jamoasi bosh murabbiyi Didye Desham parijliklar hujumchisi Kilian Mbappening ahvoli haqida fikr bildirdi.

25 yoshli futbolchi yaqinda Fransiya kubogi doirasida "Brest"ga qarshi o‘yinda og‘riqlik zarba oldi. Hujumchi o‘yinni oxirigacha o‘tkaza oldi, ammo jamoaning payshanba kungi mashg‘ulotlarini o‘tkazib yubordi.

Deshamning so‘zlariga ko‘ra, Mbappening sog‘lig‘i haqida hozir tashvishlanishga jiddiy sabablar yo‘q: “Kilianning ahvoli yaxshi, xavotirlanishga asos yo‘q. Hammasi joyida", - deya «uch ranglilar" bosh murabbiyining so‘zlarini keltiradi Football.fr.