Toshkentda davom etayotgan og‘ir atletika bo‘yicha Osiyo chempionatida hamyurtimiz chempionlikni qo‘lga kiritdi.
Erkaklar o‘rtasida -102 kg vazn toifasida ishtirok etayotgan Akbar Jo‘rayev barcha yo‘nalishlarda tengsiz ekanini isbotladi. U dast ko‘tarish mashqida 180 kg.ni o‘ziga bo‘ysundirdi. Vatandoshimiz uchinchi urinishda 183 kg.ni ko‘tara olmagan bo‘lsa-da, bu yo‘nalishda oltin medal uchun ikkinchi urinishdagi natija yetarli bo‘ldi.
Akbar siltab ko‘tarish mashqida ilk urinishdayoq 214 kiloni ko‘tarib, oltin medalni naqd qilib qo‘ydi. Shundan keyin hamyurtimiz 219 kilo uchun sahnaga chiqdi, ammo biroz omadsizlik tufayli shtangani ushlab qola olmadi. Murabbiylar uchinchi urinish uchun buyurtmani 220 kg.ga o‘zgartirishdi. Jo‘rayev buni ko‘tardi!
Ikki kurash bo‘yicha yetlatimizning natijasi 400 kg.ga yetdi. Shu tariqa, Akbar Jo‘rayev ilk bor Osiyo chempionatlarida barcha yo‘nalishlarda chempionlikka erishdi.
Og‘ir atletika. Erkaklar, 109 kg.
Dast ko‘tarish
1. Akbar Jo‘rayev (O‘zbekiston) — 180 kg.
2. Chen Po-Jen (Xitoy Taypeyi) — 176 kg.
3. Jang Yeon-Xak (Janubiy Koreya) — 175 kg.
Siltab ko‘tarish
1. Akbar Jo‘rayev (O‘zbekiston) — 220 kg.
2. Bekdoolot (Qirg‘iziston) — 213 kg.
3. Chen Po-Jen (Xitoy Taypeyi) — 206 kg.
Ikki kurash
1. Akbar Jo‘rayev (O‘zbekiston) — 400 kg.
2. Bekdoolot (Qirg‘iziston) — 386 kg.
3. Chen Po-Jen (Xitoy Taypeyi) — 382 kg.
