Тошкентда давом этаётган оғир атлетика бўйича Осиё чемпионатида ҳамюртимиз чемпионликни қўлга киритди.

Эркаклар ўртасида -102 кг вазн тоифасида иштирок этаётган Акбар Жўраев барча йўналишларда тенгсиз эканини исботлади. У даст кўтариш машқида 180 кг.ни ўзига бўйсундирди. Ватандошимиз учинчи уринишда 183 кг.ни кўтара олмаган бўлса-да, бу йўналишда олтин медаль учун иккинчи уринишдаги натижа етарли бўлди.

Акбар силтаб кўтариш машқида илк уринишдаёқ 214 килони кўтариб, олтин медални нақд қилиб қўйди. Шундан кейин ҳамюртимиз 219 кило учун саҳнага чиқди, аммо бироз омадсизлик туфайли штангани ушлаб қола олмади. Мураббийлар учинчи уриниш учун буюртмани 220 кг.га ўзгартиришди. Жўраев буни кўтарди!

Икки кураш бўйича етлатимизнинг натижаси 400 кг.га етди. Шу тариқа, Акбар Жўраев илк бор Осиё чемпионатларида барча йўналишларда чемпионликка эришди.

Оғир атлетика. Эркаклар, 109 кг.

Даст кўтариш
1. Акбар Жўраев (Ўзбекистон) — 180 кг.
2. Чен По-Жен (Хитой Тайпейи) — 176 кг.
3. Жанг Йеон-Хак (Жанубий Корея) — 175 кг.

Силтаб кўтариш
1. Акбар Жўраев (Ўзбекистон) — 220 кг.
2. Бекдоолот (Қирғизистон) — 213 кг.
3. Чен По-Жен (Хитой Тайпейи) — 206 кг.

Икки кураш
1. Акбар Жўраев (Ўзбекистон) — 400 кг.
2. Бекдоолот (Қирғизистон) — 386 кг.
3. Чен По-Жен (Хитой Тайпейи) — 382 кг.