"Real" bosh murabbiyi Karlo Anchelotti "Jirona"ga qarshi La Liga uchrashuvi oldidan jurnalistlar bilan suhbatlashdi.
Italiyalik mutaxassis hujumchi Rodrigoning quruq seriyasi haqida gapirdi - u Ispaniya chempionatida oxirgi marta 17 dekabr kuni gol urgan edi. O‘shandan beri La Liganing olti uchrashuvida braziliyalik birorta ham samarali harakatni amalga oshirmagan.
“Rodrigo gol urmaydimi? U o‘ynaydi va jamoaga yordam beradi. U buni davom ettirishi kerak. Asosiysi, jamoaga yordam berish va u buni juda yaxshi uddalaydi”, - dedi Anchelotti matbuot anjumanida.
“Real” Ispaniya chempionatining navbatdagi o‘yinini 10 fevral, shanba kuni o‘z maydonida “Jirona”ga qarshi o‘tkazadi.
