"Реал" бош мураббийи Карло Анчелотти "Жирона"га қарши Ла Лига учрашуви олдидан журналистлар билан суҳбатлашди.

Италиялик мутахассис ҳужумчи Родригонинг қуруқ серияси ҳақида гапирди - у Испания чемпионатида охирги марта 17 декабрь куни гол урган эди. Ўшандан бери Ла Лиганинг олти учрашувида бразилиялик бирорта ҳам самарали ҳаракатни амалга оширмаган.

“Родриго гол урмайдими? У ўйнайди ва жамоага ёрдам беради. У буни давом эттириши керак. Асосийси, жамоага ёрдам бериш ва у буни жуда яхши уддалайди”, - деди Анчелотти матбуот анжуманида.

“Реал” Испания чемпионатининг навбатдаги ўйинини 10 февраль, шанба куни ўз майдонида “Жирона”га қарши ўтказади.