Myunxenning "Bavariya" klubi bosh murabbiyi Tomas Tuxeldan norozi, uning kelajagi yozda ko‘rib chiqiladi, deya xabar beradi jurnalist Fabrisio Romano.
Manbaga ko‘ra, nemis klubi hali murabbiyni o‘zgartirishni rejalashtirmayapti, biroq yozda "Bavariya"ni boshqarishi mumkin bo‘lgan yangi mutaxassis borasida muzokaralar olib borilmoqda. Ammo Myunxen lageridagi vaziyat o‘zgarmasa, Tuxel mavsum davomida iste’foga chiqarilishi mumkin. Qolaversa, “Bavariya” har doim klub rahbariyatidagi ayrim kishilar tomonidan qadrlangan Xabi Alonso variantini ham ko‘rib chiqmoqda.
Eslatib o‘tamiz, kecha Germaniya Bundesligasining 21-tur uchrashuvida "Bavariya" "Bayer"ga 0:3 hisobida imkoniyatni boy bergandi. Ushbu g‘alabadan so‘ng “Baser” Germaniya Bundesligasida peshqadamlikni mustahkamladi. Endilikda Xabi Alonso shogirdlari hisobida 55 ochko bor. "Bavariya" 50 ochko bilan ikkinchi o‘rinda.
