Мюнхеннинг "Бавария" клуби бош мураббийи Томас Тухелдан норози, унинг келажаги ёзда кўриб чиқилади, дея хабар беради журналист Фабрицио Романо.
Манбага кўра, немис клуби ҳали мураббийни ўзгартиришни режалаштирмаяпти, бироқ ёзда "Бавария"ни бошқариши мумкин бўлган янги мутахассис борасида музокаралар олиб борилмоқда. Аммо Мюнхен лагеридаги вазият ўзгармаса, Тухель мавсум давомида истеъфога чиқарилиши мумкин. Қолаверса, “Бавария” ҳар доим клуб раҳбариятидаги айрим кишилар томонидан қадрланган Хаби Алонсо вариантини ҳам кўриб чиқмоқда.
Эслатиб ўтамиз, кеча Германия Бундеслигасининг 21-тур учрашувида "Бавария" "Байер"га 0:3 ҳисобида имкониятни бой берганди. Ушбу ғалабадан сўнг “Бацер” Германия Бундеслигасида пешқадамликни мустаҳкамлади. Эндиликда Хаби Алонсо шогирдлари ҳисобида 55 очко бор. "Бавария" 50 очко билан иккинчи ўринда.
