"Barselona" yarim himoyachisi Frenki de Yong klubi ro‘yxatini o‘zgartirishni istamayapti.

26 yoshli futbolchining yaqin orada jamoadan ketishi haqida juda ko‘p xabarlar chiqmoqda: "Barselona" yulduz yarim himoyachisini sotish orqali moliyaviy qiyinchiliklarni hal qilishga umid qilmoqda. Football Transfer ma’lumotlariga ko‘ra, ko‘plab OAV xabarlariga qaramay, de Yongning o‘zi bu yozda ketish niyatida emas. Niderlandiyalik futbolchiga "Manchester Yunayted" va "Chelsi" klublari qiziqish bildirmoqda.

Transfermarkt portali Frenki de Yongning transfer qiymatini 80 million yevroga baholamoqda. Futbolchi Kataloniya klubida 2019 yilning yozidan buyon o‘ynab kelmoqda.