"Bavariya"ning niderlandiyalik himoyachisi Matteys de Ligt "Yuventus"dagi vaqtlarini, ayniqsa Maurisio Sarri davridagi vaqtlarini yaxshi eslaydi. Unga ko‘ra, "Yuventus"ning o‘sha paytdagi murabbiyi tufayli u kuchaygan.
"Avvaliga Sarri men bilan ingliz tilida gaplashdi, garchi men italyan tilini afzal ko‘rgan bo‘lsam ham. Keyin taktikani kelishib oldik va birgalikda muvaffaqiyatli ishladik. Klub Skudettoni qo‘lga kiritdi. Sarri bilan ancha kuchaydim. Aynan shunday murabbiy maydonda astoydil ishlaydi. Umuman olganda, u tufayli men ancha kuchli bo‘ldim", - deya de Ligt so‘zlarini keltiradi Juvenews.eu.
