"Бавария"нинг нидерландиялик ҳимоячиси Маттейс де Лигт "Ювентус"даги вақтларини, айниқса Маурицио Сарри давридаги вақтларини яхши эслайди. Унга кўра, "Ювентус"нинг ўша пайтдаги мураббийи туфайли у кучайган.
"Аввалига Сарри мен билан инглиз тилида гаплашди, гарчи мен итальян тилини афзал кўрган бўлсам ҳам. Кейин тактикани келишиб олдик ва биргаликда муваффақиятли ишладик. Клуб Скудеттони қўлга киритди. Сарри билан анча кучайдим. Айнан шундай мураббий майдонда астойдил ишлайди. Умуман олганда, у туфайли мен анча кучли бўлдим", - дея де Лигт сўзларини келтиради Juvenews.eu.
