"Blekbern", "Nyukasl" va Angliya terma jamoasining sobiq hujumchisi Alan Shirer "Liverpul"ga Yurgen Kloppdan keyin kim murabbiy bo‘lishi kerakligini aytdi.
Eslatib o‘tamiz, yanvar oyi oxirida germaniyalik mutaxassis joriy mavsum yakunida mersisaydliklar lagerini tark etishini ma’lum qilgandi.
"Gap dunyoning eng yirik klublaridan biri bo‘lgan "Liverpul" futbol klubi haqida ketmoqda. Keyingi murabbiy o‘ziga sodiq bo‘lishi, nima qilayotganiga, kimligiga ishonishi kerak.
Men bu rolga Xabi Alonsoni taklif qilgan bo‘lardim.
Shu bilan birga, umid qilamanki, u va "Liverpul" haqidagi barcha taxminlar yaqin haftalarda "Bayer"ga ta’sir qilmaydi.
Bu shunchaki uyat bo‘ladi.
Xabi Leverkuzenda ajoyib ish qilyapti, shunday emasmi?!" - dedi Shirer.
