«Al-Ayn» bosh murabbiyi Ernan Krespo Osiyo chempionlar ligasi nimchorak final bosqichi doirasida bo‘lib o‘tgan «Nasaf»ga qarshi o‘yindan keyin matbuot anjumanida ishtirok etdi.

— Og‘ir o‘yin bo‘ldi. Bugungi durangdan ko‘prog‘iga loyiq edik. Gollar urishimiz mumkin edi. Qiziqarli va har ikki jamoa uchun og‘ir kechgan o‘yinda durangga imzo chekdik.

— Durangdan qoniqish hosil qildingizmi?
— Durang — yomon natija emas, ayniqsa, safarda o‘ynaganimizni inobatga olganda. Ammo o‘yinda yuz bergan vaziyatlarni, masalan, to‘pning darvoza to‘sini va ustunga tegishi, so‘nggi daqiqada yuzaga kelgan xavfli hujumni inobatga olsak, uyga durang bilan qaytish insonni biroz xafa qiladi. Ammo "Nasaf"ga qarshi bahsda mag‘lub bo‘lmaslik ham ijobiy natija.

Jamoamning o‘yinidan xursandman. Ammo ular yanada yaxshiroq o‘ynashlari mumkin edi. Endi o‘z uyimizda bo‘ladigan o‘yinda g‘alaba qozonishimiz kerak.