"Arsenal" yarim himoyachisi Martin Edegor "Real"ga o‘tishi mumkin.
Bu haqda jurnalist Ekrem Ko‘nur xabar bermoqda. Manbaga ko‘ra, kelayotgan yozda "Real" 2015 yildan 2021 yilgacha o‘zida to‘p tepgan 25 yoshli norvegiyalik futbolchining qaytishini ko‘rib chiqishga tayyor.
Qayd etilishicha, Edegor xizmatlariga Fransiyaning «PSJ» klubi ham qiziqish bildirmoqda. Joriy mavsumda Edegor “Arsenal” safida 30 ta o‘yinda maydonga tushib, 7 ta gol urdi va 6 ta golli uzatmani amalga oshirdi.
Transfermarkt portali Norvegiya terma jamoasi futbolchisini 90 million yevroga baholamoqda.
