Yarim himoyachi Nikolo Barella "Inter" bilan yangi shartnoma imzolaydi, deya xabar beradi La Gazzetta dello Sport nashri.

Manbaga ko‘ra, 27 yoshli italiyalik futbolchining yangi kelishuvi 2029 yilning yoziga qadar amal qiladi va maoshi 6 yevrodan 7 million yevroga ko‘tariladi + bonuslar.

2024 yilning yanvarida Barella "Manchester Siti"ga o‘tishdan bosh tortdi. "Shaharliklar" bosh murabbiyi Pep Gvardiola 27 yoshli yarim himoyachi haqida surishtiruv o‘tkazdi, biroq u Angliyaga ko‘chib o‘tishga qiziqmasligini ma’lum qildi.

Barella 2020 yil sentyabrida "Kalyari"dan "Inter"ga o‘tgandi. Transfer summasi 32,5 million yevroni tashkil etdi. O‘yinchining klub bilan shartnomasi 2026 yilning yoziga qadar mo‘ljallangan. Transfermarkt portali italiyalik futbolchini 75 million yevroga baholamoqda.

Joriy mavsumda Barella 31 ta o‘yin o‘tkazib, 2 ta gol urdi va 5 ta golli uzatmani amalga oshirdi.