Ярим ҳимоячи Николо Барелла "Интер" билан янги шартнома имзолайди, дея хабар беради La Gazzetta dello Sport нашри.

Манбага кўра, 27 ёшли италиялик футболчининг янги келишуви 2029 йилнинг ёзига қадар амал қилади ва маоши 6 евродан 7 миллион еврога кўтарилади + бонуслар.

2024 йилнинг январида Барелла "Манчестер Сити"га ўтишдан бош тортди. "Шаҳарликлар" бош мураббийи Пеп Гвардиола 27 ёшли ярим ҳимоячи ҳақида суриштирув ўтказди, бироқ у Англияга кўчиб ўтишга қизиқмаслигини маълум қилди.

Барелла 2020 йил сентябрида "Кальяри"дан "Интер"га ўтганди. Трансфер суммаси 32,5 миллион еврони ташкил этди. Ўйинчининг клуб билан шартномаси 2026 йилнинг ёзига қадар мўлжалланган. Transfermarkt портали италиялик футболчини 75 миллион еврога баҳоламоқда.

Жорий мавсумда Барелла 31 та ўйин ўтказиб, 2 та гол урди ва 5 та голли узатмани амалга оширди.