Aziz Turg‘unboyev kecha «Sivasspor» asosiy tarkibida o‘yinni boshlab, "Xatayspor"ga qarshi 84 daqiqa harakat qilganidan xabaringiz bor.

Qiziq tomoni, Turg‘unboyev Osiyo kubogidan keyin yangi jamoasi safida ham o‘ng qanot himoyachisi (lateral) pozisiyasida harakat qilmoqda. Aslida o‘ng qanot yarim himoyachisi (vinger) hisoblanadigan futbolchimiz Osiyo kubogida Hojiakbar Alijonovning jarohati tufayli majburan yangi pozisiyaga o‘tkazilgan edi. Shunga qaramasdan, o‘zi uchun begona bo‘lgan pozisiyani tezda o‘zlashtirgan Turg‘unboyev Avstraliya va Tailand terma jamoalari darvozasini ishg‘ol qilishga ham muvaffaq bo‘lgan edi.

Hozirda terma jamoada o‘ng qanot vingeri pozisiyasida Oston O‘runov va Hojimat Erkinov kabi futbolchilarning borligini inobatga olsak, Turg‘unboyev o‘ng qanot laterali pozisiyasida Alijonovga raqobatchi bo‘lishini ham taxmin qilish mumkin.