Азиз Турғунбоев кеча «Сивасспор» асосий таркибида ўйинни бошлаб, "Хатайспор"га қарши 84 дақиқа ҳаракат қилганидан хабарингиз бор.

Қизиқ томони, Турғунбоев Осиё кубогидан кейин янги жамоаси сафида ҳам ўнг қанот ҳимоячиси (латерал) позициясида ҳаракат қилмоқда. Аслида ўнг қанот ярим ҳимоячиси (вингер) ҳисобланадиган футболчимиз Осиё кубогида Ҳожиакбар Алижоновнинг жароҳати туфайли мажбуран янги позицияга ўтказилган эди. Шунга қарамасдан, ўзи учун бегона бўлган позицияни тезда ўзлаштирган Турғунбоев Австралия ва Таиланд терма жамоалари дарвозасини ишғол қилишга ҳам муваффақ бўлган эди.

Ҳозирда терма жамоада ўнг қанот вингери позициясида Остон Ўрунов ва Ҳожимат Эркинов каби футболчиларнинг борлигини инобатга олсак, Турғунбоев ўнг қанот латерали позициясида Алижоновга рақобатчи бўлишини ҳам тахмин қилиш мумкин.