"Bavariya" hujumchisi Xarri Keyn jamoasining so‘nggi o‘yinlari haqida fikr bildirdi. O‘tgan haftada Myunxen klubi avvaliga Chempionlar ligasi 1/8 finalining ilk uchrashuvida Rimning “Lasio” klubiga, keyin Germaniya chempionatida “Boxum”ga imkoniyatni boy berdi.
"Bizning chiqishlarimiz va natijalarimiz biz kutgan darajadan past. Biz birlashib, oldinga borishimiz kerak. Oldinda vaziyatni o‘nglashimiz mumkin bo‘lgan muhim o‘yinlar bor", - deb yozdi Keyn ijtimoiy tarmoqlarda.
Bundesliga turnir jadvalida “Bavariya” va peshqadam “Bayer” o‘rtasidagi farq 8 ochkoni tashkil etadi. Germaniya chempionatida 12 ta o‘yin qoldi.