"Бавария" ҳужумчиси Харри Кейн жамоасининг сўнгги ўйинлари ҳақида фикр билдирди. Ўтган ҳафтада Мюнхен клуби аввалига Чемпионлар лигаси 1/8 финалининг илк учрашувида Римнинг “Лацио” клубига, кейин Германия чемпионатида “Бохум”га имкониятни бой берди.
"Бизнинг чиқишларимиз ва натижаларимиз биз кутган даражадан паст. Биз бирлашиб, олдинга боришимиз керак. Олдинда вазиятни ўнглашимиз мумкин бўлган муҳим ўйинлар бор", - деб ёзди Кейн ижтимоий тармоқларда.
Бундеслига турнир жадвалида “Бавария” ва пешқадам “Байер” ўртасидаги фарқ 8 очкони ташкил этади. Германия чемпионатида 12 та ўйин қолди.
