"Brayton" ustozi Roberto de Dzerbi yangi bosh murabbiy lavozimiga "Barselona" rahbariyatiga ustuvor nomzodlardan biri hisoblanadi. Biroq, italiyalikning tayinlanishiga bir muammo to‘sqinlik qilmoqda.
Jurnalist Matteo Morettoning ma’lumotlariga ko‘ra, Robertoning "Brayton" bilan shartnomasida shartnoma muddatidan oldin bekor qilingani uchun tovon miqdori ko‘rsatilgan. "Barselona" italiyalikni tayinlash uchun 10-15 million yevro to‘lashi kerak. Moliyaviy inqiroz sharoitida "Blaugrana" uchun bunday pul topish qiyin bo‘ladi. Qolaversa, jamoa transfer bozoriga ham pul sarflashni rejalashtirgan.
"Barselona" bosh murabbiyligiga boshqa nomzodlar orasida Xans-Diter Flik va Tomas Tuxel bor.