Jan-Lui Gasse "Marsel"ning yangi bosh murabbiyi bo‘ldi. Klub 70 yoshli mutaxassis bilan shartnoma imzolangani haqida hech qanday tafsilotsiz ma’lum qildi - hattoki, mehnat shartnomasi muddati ham hozircha oshkor etilmagan.
Jan-Lui Gassening so‘nggi ish joyi Kot-d'Ivuar termasi edi. Afrika kubogi vaqtida mutaxassis iste’foga chiqdi, shundan so‘ng "fillar" mo‘’jizaviy tarzda guruhdan chiqib, yakunda turnirda g‘alaba qozonishdi.
“Marsel” navbatdagi o‘yinini 22 fevral kuni Yevropa Ligasi doirasida o‘z maydonida “Shaxtyor”ga qarshi o‘tkazadi. Bu pley-off bosqichining javob o‘yini bo‘lib, birinchisi 2:2 hisobida yakunlangan.
