Жан-Луи Гассе "Марсель"нинг янги бош мураббийи бўлди. Клуб 70 ёшли мутахассис билан шартнома имзолангани ҳақида ҳеч қандай тафсилотсиз маълум қилди - ҳаттоки, меҳнат шартномаси муддати ҳам ҳозирча ошкор этилмаган.
Жан-Луи Гассенинг сўнгги иш жойи Кот-д'Ивуар термаси эди. Африка кубоги вақтида мутахассис истеъфога чиқди, шундан сўнг "филлар" мўъжизавий тарзда гуруҳдан чиқиб, якунда турнирда ғалаба қозонишди.
“Марсель” навбатдаги ўйинини 22 февраль куни Европа Лигаси доирасида ўз майдонида “Шахтёр”га қарши ўтказади. Бу плей-офф босқичининг жавоб ўйини бўлиб, биринчиси 2:2 ҳисобида якунланган.
