So‘nggi paytlarda Erling Xolandni "Real"ga o‘tishi bilan bog‘liq mish-mishlar chiqishda davom etmoqda, ammo "Manchester Siti" norvegiyalik futbolchi bilan xayrlashmoqchi emas. Jurnalist Lou Martinning so‘zlariga ko‘ra, "shaharliklar" hozir 23 yoshli Xoland bilan shartnomani uzaytirish haqida o‘ylashmoqda. Klub muhim qadam tashlashi mumkin, chunki yangi shartnoma yulduz futbolchini Madridning qiziqishlaridan himoya qilishi aniq.
2023/2024 yilgi mavsumda Erling Xoland 27 ta o‘yinda ishtirok etdi. Ularda hujumchi 21 ta gol urdi va sheriklariga 6 ta golli uzatma berdi. Transfermarkt portali mutaxassislari futbolchini 180 million yevroga baholamoqda. Xolandning amaldagi shartnomasi 2027 yilning o‘rtalariga qadar tuzilgan.
