Сўнгги пайтларда Эрлинг Холандни "Реал"га ўтиши билан боғлиқ миш-мишлар чиқишда давом этмоқда, аммо "Манчестер Сити" норвегиялик футболчи билан хайрлашмоқчи эмас. Журналист Лоу Мартиннинг сўзларига кўра, "шаҳарликлар" ҳозир 23 ёшли Холанд билан шартномани узайтириш ҳақида ўйлашмоқда. Клуб муҳим қадам ташлаши мумкин, чунки янги шартнома юлдуз футболчини Мадриднинг қизиқишларидан ҳимоя қилиши аниқ.
2023/2024 йилги мавсумда Эрлинг Холанд 27 та ўйинда иштирок этди. Уларда ҳужумчи 21 та гол урди ва шерикларига 6 та голли узатма берди. Transfermarkt портали мутахассислари футболчини 180 миллион еврога баҳоламоқда. Холанднинг амалдаги шартномаси 2027 йилнинг ўрталарига қадар тузилган.
