"Nyukasl"ning sobiq bosh murabbiyi, hozirda Ispaniyaning "Selta" klubi bosh murabbiyi Rafael Benites ingliz klubidagi faoliyatini esladi.

"Biz ko‘p mehnat qildik va cheklovlarni hisobga olib, klub uchun qo‘limizdan kelganini qilishga harakat qildik. Muxlislar buni qadrlashdi. Men ketganimda klubda allaqachon yangi xo‘jayinlar paydo bo‘lgan edi. "Nyukasl" va Eddi Xauga omad tilayman. Biz juda yaxshi munosabatda edik, men hali ham ularning o‘yinlarini tomosha qilaman va u yerda hali ham bizda bo‘lgan futbolchilar bor. Ular endi o‘sishda va yaxshilanishda davom etishlari uchun ideal vaziyatda, lekin barchasi vaqt o‘tishi bilan bo‘ladi - ba’zida sizda bor, ba’zida esa yo‘q. Mayk Eshli ("Nyukasl"ning sobiq egasi) bilan yaxshi munosabatda bo‘lganman. Lekin har kimning o‘z manfaatlari bor. Murabbiy ham muxlislar kabi jamoani yaxshilash uchun sarmoya kiritmoqchi, ammo professional va shaxsiy ikki xil narsa. "Liverpul"da ham shunday edi. Men hech qachon xo‘jayinlar bilan janjallashmaganman - shunchaki jamoa yaxshilanishini xohlayman", - dedi Benites The Athletic bilan suhbatda.

Rafael Benites 2016-2019 yillarda "Nyukasl"ni boshqargan. 63 yoshli mutaxassis "Selta"da 2023 yilning yozidan buyon ishlab kelmoqda.