"Manchester Yunayted" afsonasi Rayan Giggz murabbiylikka qaytish istagini bildirdi.
2013 yilning yozida, faoliyatini yakunlashidan bir yil oldin, Giggz David Moyesga yordam berish uchun "Manchester Yunayted"ga o‘yinchi-menejer etib tayinlangan edi.
2014 yil aprel oyida Moyes iste’foga chiqarilganida Giggz "MYU"ni to‘rtta o‘yinda boshqargan edi.
Keyin Giggz ikki mavsum davomida Lui van Galga yordam berdi, biroq 2016 yilning yozida Joze Mourinyo "Manchester Yunayted"ga kelgach, o‘z klubini tark etdi.
2018 yilning yanvarida Giggz Uels terma jamoasiga bosh murabbiy etib tayinlangan, biroq keyinchalik sevgilisini kaltaklagani uchun qo‘yilgan ayblovlar tufayli bu lavozimni tark etishga majbur bo‘lgan.
2022 yilda sud Giggzga qarshi hukm chiqara olmagan hakamlar bu ishni rad etdi va keyinchalik Rayanning ishi qayta ko‘rib chiqish uchun qaytarilmasligi ma’lum bo‘ldi.
Giggz deyarli ikki yildan beri ishsiz, biroq 50 yoshli uelslik murabbiylik ishtiyoqini yo‘qotgani yo‘q.
"Ochig‘i, men Uelsga murabbiylik qilishni yaxshi ko‘rardim. Ishimni sog‘indim va yana murabbiylik qilishimga umid qilaman", - dedi Giggz Daily Mirror bilan suhbatda.
