Londonning “Chelsi” klubi “Napoli” hujumchisi Viktor Osimxen uchun kurashda qo‘shnisi “Arsenal”ni ortda qoldirdi.
Team Talk ma’lumotlariga ko‘ra, "ko‘klar" 25 yoshli nigeriyalik uchun poygada favorit sanaladi. Osimxenning shartnomasida tovon puli ko‘rsatilgan, bu 130 million yevroni tashkil qiladi.
Bir necha oy oldin Viktor "Napoli" bilan yangi shartnoma imzolagan, uning muddati 2026 yilning yozida tugaydi.
Kecha Osimxen "Napoli"ga Chempionlar ligasining 1/8 finalida "Barselona"ga qarshi o‘yinda durang o‘ynashga yordam berdi.
Italiya A seriyasida Viktor joriy mavsumda 7 ta gol urdi va 2 ta golli uzatmani amalga oshirdi.
