Eron matbuoti Osiyo kubogidan keyin ham terma jamoa futbolchilariga turli ayblovlar qo‘yishda davom etishmoqda.

Mahalliy OAV terma jamoa futbolchilarini Qatar terma jamoasiga qarshi yarim final uchrashuvidagi mag‘lubiyat uchun pul olganlikda ayblashmoqda.

Tasdiqlanmagan ma’lumotlarga ko‘ra, terma jamoa 5 ta a’zosining BAA banklaridagi hisob raqamiga katta miqdorda pul o‘tkazmasi amalga oshirilgan.

Xabarda aytilishicha, quyidagi futbolchilar va bosh murabbiyning hisob raqamiga Qatar bankidan yirik pul o‘tkazmasi amalga oshirilgan:

1. Alirizo Beyronvand - 55 mln. dirham (15 mln. AQSH dollari)
2. Hossayn Kanoni - 55 mln. dirham (15 mln. AQSH dollari)
3. Mehdi Torimi - 55 mln. dirham (15 mln. AQSH dollari)
4. Mehdi Qoyedi - 15 mln. dirham (4,1 mln. AQSH dollari)
5. Amir Galenoi - 55 mln. dirham (15 mln. AQSH dollari)

Nomi keltirilgan murabbiy va futbolchilar yuqoridagi ma’lumotlarning soxtaligini ta’kidlab, bu masala izoh berishga ham arzimasligini ma’lum qilishgan.