Эрон матбуоти Осиё кубогидан кейин ҳам терма жамоа футболчиларига турли айбловлар қўйишда давом этишмоқда.

Маҳаллий ОАВ терма жамоа футболчиларини Қатар терма жамоасига қарши ярим финал учрашувидаги мағлубият учун пул олганликда айблашмоқда.

Тасдиқланмаган маълумотларга кўра, терма жамоа 5 та аъзосининг БАА банкларидаги ҳисоб рақамига катта миқдорда пул ўтказмаси амалга оширилган.

Хабарда айтилишича, қуйидаги футболчилар ва бош мураббийнинг ҳисоб рақамига Қатар банкидан йирик пул ўтказмаси амалга оширилган:

1. Алиризо Бейронванд - 55 млн. дирҳам (15 млн. АҚШ доллари)
2. Ҳоссайн Канони - 55 млн. дирҳам (15 млн. АҚШ доллари)
3. Меҳди Торими - 55 млн. дирҳам (15 млн. АҚШ доллари)
4. Меҳди Қоеди - 15 млн. дирҳам (4,1 млн. АҚШ доллари)
5. Амир Галенои - 55 млн. дирҳам (15 млн. АҚШ доллари)

Номи келтирилган мураббий ва футболчилар юқоридаги маълумотларнинг сохталигини таъкидлаб, бу масала изоҳ беришга ҳам арзимаслигини маълум қилишган.